HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
ALIW kami sa kuwentuhan nina Judy Ann Santos at Boy Abunda. All out kasi ang tsikahan ng dalawa at siguro’y dahil matagal-tagal na rin naming hindi napapanood ang aktres sa telebisyon.
Pasabog ang pag-amin ni Judy na hindi niya pinangarap na maging Soap Opera Queen t sumikat ng bonggang-bonga.
Aksidente lng daw kasi ang pag-aartista niya dahil sumasama-sama lamang siya noon sa kuya niya, kay Jeffrey Santos na siyang artista na.
Ani Juday kay Kuy Boy sa show nitong Fast Talk with Boy Abunda, walong taon siya nang pasukin ang showbiz.
“It all started with commercials. Si Kuya (Jeffrey) naman talaga ‘yung talagang kinukuha, sumasabit lang ako. Siya talaga ‘yung kinuha ng Regal Films and ako mahilig akong sumama sa kanya,” pagkukuwento ng tinaguriang batang superstar.
“Wala, I just wanted to buy a Mighty Kid rubber shoes,” nangingiting pag-amin pa nito kay Kuya Boy.
“Gusto ko lang bumili ng rubber shoes, magkaroon ng bank account. Totoo Tito Boy gusto kong makita ang sarili ko sa TV pero hindi nakaplano ever ‘yung maging sikat.
“Hindi ko talaga inisip or pinangarap na gusto kong maging sikat na sikat na artista,” aniya pa.
At nang nakapasok na nga siya ng showbiz, nangarap naman siya ng bahay at lupa at kotse.
“Gusto kong makabili ng bahay, gusto kong makabili ng sasakyan, at gusto kong makapag-aral. ‘Yun lang ang alam kong gusto ko,” ani Judy Ann.
At saka lamang niya nagustuhan ang showbiz o pag-arte nang tuloy-tuloy na ang pagsabak niya sa paggawa ng pelikula at teleserye.
“Siguro kaya ako nag dire-diretso kasi nag-eenjoy ako sa ginagawa ko, sa experiences ko. Marami akong taong nakikilala,” katwiran ni Juday.
Pero ang talagang naging daan para makilala at sumikat siya ay nang magbida sa ABS-CBN drama series na Mara Clara kasama si Gladys Reyes.
At nang gawan na ng movie version ang Mara Clara, nagsunod-sunod na ang pagdating ng iba pa niyang proyekto.
