HATAW! D'yaryo ng Bayan hatawtabloid.com
DALAWA sa tatlong pelikulang pinagbibidahan ni Azi Acosta ang may pinakamataas na ernings sa Vivamax. Kaya naman si Azi na ang itinuturing na bagong Vivamax Queen.
Sa celebration ng 7 million subscribers ng Vivamax, nasabi ni Vincent del Rosario na ang dalawa sa tatlong pelikula ni Azi ang highest earnings ng Vivamax.
Ang unang pumatok na peikulang pingbidahan ni Azi ay ang Pamasahe kasama sina Mark Anthony Fernandez, Felix Roco, at marami pang ibang lalaki na idinirehe ni Roman Perez, Jr.
Napag-alaman naming all-time highest streams on opening day ang Pamasahe na ipinalabas noong December 2022 na nasundan pa ng Suki na napanood noong Pebrero 2023.
Sa pag-arangkada ng Pamasahe at Suki, naagaw ni Azi ang pagiging Vivamax Queen sa may hawak nitong sina AJ Raval at Angeli Khang
Ani Vincent, “Sa top three movies ng Vivamax, dalawa ang pelikula ni Azi, kaya siya ang masasabing reyna ng Vivamax.
“Dahil din ito sa walang pelikula lately si AJ, kapag naipalabas na ang movie ni AJ, let’s see.”
Sa bagong line-up ng mga pelikulang ihahandog ng Vivamax sa mga nalalabing buwan ng 2023, may dalawa hanggang tatlong proyektong gagawin pa si Azi.
Pero sa totoo lang, ang pinaka-panalo rito ay ang manager ng tatlo dahil nasa iisang kuwadra lang sila o nasa pangangalaga silang lahat ni Jojo Veloso. (MVN)
