Alden nakiusap sa AlDub relasyon ni Maine kay Arjo irespeto

NAKIUSAP si Alden Richards sa fans nila ni Maine Mendoza na irespeto ang relasyon ng dating kapareha kayCong Arjo Atayde.

Sa vlog ni Ogie Diaz sinabi ng Kapuso actor-TV host na maligaya siya sa dati niyang ka-loveteam at sa fiancé nitong si Arjo.

Anang aktor, natural lamang at dapat lamang lumigaya si Maine. Kaya pakiusap niya sa AlDub fans na maging happy na rin sila para sa dating kapareha.

“Sa ngayon po kasi, kung anong mayroon si Maine and Arjo, inirerespeto ko po ‘yun. I’m really, really happy for her,” giit ni Alden.

Sinabi pa ng aktor na, “Kasi akikita ko sa kanya na masayang-masaya siya (Maine). Irespeto na lang po natin kung ano mang mayroon po si Maine ngayon sa personal niyang buhay. Kasi kung anuman po ‘yan, deserve niya po ‘yan.”

Ukol naman sa matagal nang tsismis na may anak daw sila ni Maine, ito ang nasabi ni Alde,n, “Ang tsismis naman po, hangga’t hindi napatutunayan, will remain a gossip. Doon lang po ako palagi.

“Wala akong itinatago sa kanila. Pero roon sa part na may anak, wala po kaming anak ni Maine. ‘Yan po ang totoo. Sinabi rin niya po ‘yan,” giit pa niya.

“Noong nangyari ang AlDub, isa ‘yun sa mga blessing sa buhay ko. Grabe ‘yun. Sobrang laki ng impact po niyon sa akin,” sabi pa ng aktor.