Tuesday , March 19 2024
teacher

Sentimyento ng mga guro pakinggan
MOTHER TONGUE POLICY NG DEPED REPASUHIN– SENADOR

HINIMOK  ni Senador Win Gatchalian ang Department of Education (DepEd) na pakinggan ang mga guro sa gitna ng pagrepaso sa  Mother Tongue-Based Multilingual Education (MTB-MLE).

“Pakinggan natin ang ating mga guro, mga supervisor, mga superintendent, at mga punong-guro. Sila ang ating mga sundalo. Makinig tayo sa kanila,” ani Gatchalian.

Ibinahagi ni Gatchalian ang naging resulta ng kanyang mga konsultasyon sa mga guro sa Pangasinan, Davao, Cebu, at Metro Manila. Ayon sa Chairperson ng Senate Committee on Basic Education, isang hamon sa pagpapatupad ng polisiya sa mother tongue ang napakaraming mga wika sa bansa.

Bagama’t pormal na kinikilala ng polisiya ng MTB-MLE ng DepEd ang 19 wikang gamit sa pagtuturo, umabot sa 245 ang wikang naitala ng Philippine Statistics Authority (PSA) sa Census of Population noong 2020.

Batay sa obserbasyon ng mambabatas, may ilang mga guro na hindi bihasa sa paggamit ng mother tongue ang napipilitang gamitin ito sa pagtuturo. Ibinahagi niya rin ang mga ulat ng mga guro na nahihirapan ang mga mag-aaral sa Grade 4, kung saan nagsisimula ang pag-aaral ng Math at Science sa Ingles, apat na taon matapos ang pag-aaral sa mga paksang ito gamit ang mother tongue.

Sa mga multilingual na paaralan, maaaring may diskriminasyong naidudulot ang MTB-MLE policy sa mga mag-aaral na gumagamit ng wika na hindi pareho sa lokal na wikang ginagamit sa pagtuturo.

Una nang tinukoy ng isang pag-aaral ng Philippine Institute for Development Studies (PIDS) na ginagamit ng mga paaralan ang mga lokal na wika na maaaring hindi pareho sa ginagamit ng mga mag-aaral sa bahay. Pinuna rin ng pag-aaral ang kaisipang isa lamang ang unang wika ng mga mag-aaral, bagama’t gumagamit ang mga mag-aaral ng maraming unang wika.

Ayon pa sa PIDS, wala pang 10% porsyento sa mga 16, 827 na lumahok sa kanilang pag-aaral ang nakapagsagawa ng apat na gawaing kailangan para sa epektibong pagpapatupad ng MTB-MLE. Kabilang dito ang pagsulat ng mga aklat sa wika, panitikan, at kultura; dokumentasyon ng ortograpiya ng wika; dokumentasyon ng balarila; at dokumentasyon ng diksyunaryo ng wika.

“Ipinatupad na natin ang MTB-MLE mula 2013, panahon na upang magsagawa tayo ng pagsusuri kung epektibo nga ito o hindi, at kung paano nito naaapektuhan ang pagkatuto ng ating mga mag-aaral,” pahayag ni Gatchalian.  (NIÑO ACLAN)

About Niño Aclan

Check Also

Arrest Caloocan

2 wanted na  rapist huli sa Kankaloo

ARESTADO ang dalawang lalaki na kapwa wanted sa kaso ng panggagahasa matapos matimbog ng pulisya …

shabu drug arrest

3 adik huli sa P.1-M shabu

SA KULUNGAN bumagsak ang tatlong drug suspects, kabilang ang isang babae matapos makuhaan ng mahigit …

Vietnam

PH dapat matuto sa Vietnam — Gatchalian

DAPAT pag-aralan ng Filipinas ang kalakaran sa edukasyon ng bansang Vietnam, sabi ni Senador Win …

Asin Salt

Villar pinasalamatan si  PBBM sa bagong buhay ng ‘salt industry’

“NAGKAROON ng bagong buhay ang naghihingalong salt industry nang lagdaan ni President Ferdinand Marcos, Jr., …

Alan Peter Cayetano Pia Cayetano

Cayetano – DSWD partnership, nag-abot ng tulong sa 800 residente ng Iloilo

SA MULING pagbisita sa probinsiya ng Iloilo, ang mga tanggapan nina Senator Alan Peter at …