Coco at Julia 12 taong magkatrabaho hindi magkarelasyon

MARAMI ang naguluhan, kinilig, nagbilang ukol sa tinuran ni Coco Martin na 12 years na silang ‘magkasama’ ni Julia Montes. 

Ipinahayag kasi ni Coco sa panayam ni MJ Felipe ng ABS-CBN’s TV Patrolna,  “Napakasarap ng pakiramdam namin dahil 12 years na kaming magkasama, pero pareho pa rin tulad ng dati.

“Nilu-look forward namin kapag may project na magkasama kami and then kapag may pagkakataon, nakakalabas kami, nakikita kami ng mga tao pero name-maintain namin ang privacy sa buhay namin.

“Basta kami, hindi naman na kaming mga bata. Kung ano ‘yung nakikita at iniisip ng mga tao, ‘yun na ‘yun. Mas masarap ‘yung pakiramdam na pribado ang buhay namin, tahimik. Walang mga issue. Ito, masaya kami.” 

Dahil dito, trending si Coco sa tinuran na 12 years na sila Julia na ang pakahulugan ng netizens ay inamin na nga nito ang relasyon nila ng aktres. Marami na ang nagbilang, natuwa, at kinilig. At ang kasunod na inusisa ay ang ukol sa napapabalitang mayroon na rin umanong anak ang dalawa.

Kaagad namang naglabas ang Dreamscape Entertainment ng kanilang pahayag at nilinaw na ang ibig sabihin ng FPJ’s Batang Quiapo  lead star ay “12 working relationship.”

Anila sa kanilang Instagram Story, “To set the record straight, it’s a 12-year working relationship.”