HATAW! D'yaryo ng Bayan hatawtabloid.com
HANGGANG ngayo’y pahulaan pa rin kung sino ang babaeng madalas kasama ng singer-songwriter sa kanyang social media account.
Makailang beses nang nagpi-flex si Jason na may kasamang babae sa mga picture na ipinakikita niya sa kanyang socmed. Kaya naman marami ang naiintriga kung sino nga ba ito.
Tila inuunti-unti ni Jason ang pagri-reveal sa sinasabing “mystery girl” na pinaniniwalaang bago nitong dyowa.
And as usual, may mga natutuwa at nae-excite sa ginagawa ng dating asawa ni Moira dela Torre at mayroon din namang naiinis at nagsasabing OA sa mga pakulo ni Jason.
Hindi naman apektado si Jason sa mga negative na sinasabi ng netizens dahil sige pa rin siya sa pa-mystery effect sa kanyang mystery girl. Sige pa rin siya sa pagpo-post ng kanyang bagong special girl.
Unang ipinakita ni Jason ang sinasabing mystery girl na “nguso” lang ang makikita dahil natatakpan ng sumbrero ang mukha at sa ikalawang flexing ay likuran naman ni ate girl ang nakita. Nakahilig iyon sa balikat ni Jason habang makikita sa harapan nila ang Golden Gate Bridge sa San Francisco, USA.
At ang latest na picture ay nasa Horse Shoe Bend Canyon sila at tila tumutugtog ng gitara si Jason. May caption iyong, “Siya ang nagligtas sa ’kin, ang nagbalik ng aking ngiti.”
