Ate Vi sanay umangkas sa motor

I-FLEX
ni Jun Nardo

SANAY sumakay sa motorsiklo ang Star for All Seasons na si Vilma Santos-Recto o kilala ring si Ate Vi ng showbiz.

Kaya naman nang kunin si Vilma na ambassadress ng Angkas Motorcycle taxi eh, sanay na sanay na siyang umangkas sa motor.

Kuwento ni Vi sa launching niya, “Mahilig sa big bike si Ralph. Sumasakay ako sa likod.

“Misan after show ko na ‘Vilma,’ sinundo niya ako. Inangkas niya ako kahit nakasuot ako ng gown.

“Eh hindi pa uso ang helmet noon, kaya nang dumaan kami sa EDSA at na-traffic, may bus na tumapat sa amin at nagtaka suot ko na naka-gown sakay ng motor.

“Hayun, pagdating namin ni Ralph sa pinuntahan namin, brineyk  ko siya! Ha! Ha! Ha!” kuwento ni Ate Vi.

Of course, ang makapagbigay ng trabaho at magsilbi ng safe sa mga tao ang rason kung bakit tinanggap niyang maging Angkas ambassadress ng Angkas owner na si George Royeca na aminado na isang Vilmanian!