Monday , October 2 2023
road accident

Sa Misamis Oriental
7 PULIS, 1 RETIRADO PATAY SA BANGGAAN NG SASAKYAN

WALONG PULIS, pito ang aktibong at isang retirado ang namatay sa insidente ng banggaan ng isang wing van at dalawang passenger van sa Purok 11, Brgy. Maputi, sa lungsod ng Naawan, lalawigan ng Misamis Oriental, nitong Sabado, 11 Febrero.

Kinilala ng Misamis Oriental PPO ang mga biktimang sina Marjun Reuyan, Jobille Lou Cañeda, Eric Generalao, Michael Ermac, Aaron Ticar, Arnill Manoop, at Eugene Ariston Lagcao, pawang may mga ranggong police staff sergeant.; at ang retiradong si Anito Abapo, na may kagayang ranggo.

Karamihan sa mga pumanaw ay nakatalaga sa Lanao del Norte PPO, habang si Ermac ay nakatalaga sa Iligan CPO.

Samantala, dinala ang sugatang mga pulis at ang driver at pahinante ng wing van sa magkakaibang mga pagamutan sa Misamis Oriental, lungsod ng Iligan, at lungsod ng Naawan.

Kinilala ng mga awtoridad ang driver ng wing van driver na si Benjamin Abubacar Modabpil, at kanyang pahinanteng si Jamaroddin Baganday.

Ayon kay P/Maj. Reynante Labio, OIC ng Naawan police, lumabas sa imbestigasyon na sumabog ang gulong sa harap ng wing van na nagresulta sa pagbangga sa dalawang van na may lulang 32 miyembro ng PNP kabilang ang retiradong pulis.

Ani Labio, patungong Cagayan de Oro mula Iligan ang wing van habang bumibiyahe ang mga van na may sakay na mga pulis mula Cagayan de Oro patungong Iligan.

Samantala, kinompirma ni P/Maj. Joann Navarro, tagapagsalita ng PRO, kasalukuyang kumukuha ng Public Safety Junior Leadership Course ang mga pulis sa Regional Training Center (RTC) 10 sa Brgy. Patag, sa nabanggit na lungsod.

Kinompirma rin ni Navarro na mayroong ‘privilege pass’ ang mga pulis mula sa RTC-10 na umuwi sa kani-kanilang bayan sa mga lalawigan ng Lanao del Norte at Misamis Occidental.

Gayondin, tiniyak ni PRO-10 Regional Director P/BGen. Lawrence Coop na mabibigyan ng kaukulang tulong ang mga biktima at mga pamilya ng mga namatay.

Dagdag ni Labio, naghahanda na ang Naawan police ng kasong isasampa laban sa driver ng wing van.

About hataw tabloid

Check Also

SM 65 1 Feat

Experience Super-Sized Fun at SM’s 65th Anniversary this October

It’s October and it only means one thing at SM Super-Month! Suit up for some …

JUMPER BOY SA R-10 TONDO

Perwisyo sa mga trak atbp motorista JUMPER BOY SA R-10 TONDO KALABOSO!

HIMAS-REHAS ang isang 23-anyos “Jumper Boy” na siya rin nag-viral kamakailan nang akyatin at pilit …

arrest posas

2 kilabot na holdaper arestado gamit na gun replica kompiskado

NABAHAG ang buntot ng dalawang kilabot na holdaper nang pagsalikupan sila ng mga nagrespondeng pulis …

Bulacan solar-powered irrigation system DA NIA

Magsasakang Bulakenyo makikinabang sa 3 solar-powered irrigation system ng DA-NIA

MALOLOS CITY – Tinatayang 1,434 magsasakang Bulakenyo ang makikinabang sa katatapos na tatlong solar pump …

lovers syota posas arrest

Magdyowang tulak, dinamba sa drug bust

SWAK sa selda ang live-in partners na sinabing tulak ng ilegal na droga matapos makuhaan …