Katrina ‘di totoong iiwan ang showbiz

RATED R
ni Rommel Gonzales

HINDI totoong tinalikuran na ni Katrina Halili ang showbiz dahil sa Palawan na ito namamalagi.

Tuloy pa rin ang showbiz career ni Katrina, katunayan ang pagigigng visible niya sa sari-saring proyekto ng GMAtulad na lamang ng teleserye na Unica Hija at ang latest ay ang guesting ni Katrina sa Magpakailanman ni Ms. Mel Tiangco.

Kapag walang taping, umuuwi si Katrina sa Palawan dahil naroroon ang kanyang anak na si Katie.

“Parang gusto ko munang mag-focus sa anak ko and ibang life rin naman kasama ‘yung family ko sa Palawan.

“Alam mo ‘yun, kapag hindi rin naman ako nagsu-shoot,” pahayag ng aktres.

Ginagampanan muna ni Katrina ang kanyang mommy duties sa malapit ng mag-11 years old na si Katie.

At para mas mabantayan si Katie ay nagtayo si Katrina ng restaurant sa El Nido na malapit sa eskuwelahan ng kanyang anak.

Sa bagong #MPK episode ngayong Sabado ng gabi ay bibida si Katrina bilang si Baby sa The Power of Love: The Miguel and Baby Duhaylungsod Story kasama sina Rodjun Cruz (Miguel), Faye Lorenzo (Maribel), Ashley Sarmiento (Grace), at Clarence Delgado (Arjay).