Dance video ni Jillian humahakot ng views

RATED R
ni Rommel Gonzales

PATULOY na humahakot ng napakaraming views ang Abot Kamay Na Pangarap videos sa TikTok. Bukod dito bumubuhos din ang suporta ng netizens sa lead star ng serye na si Jillian Ward.

Napapanood si Jillian sa trending na GMA inspirational-medical drama series bilang ang genius at pinakabatang doktor sa bansa na si Dra. Analyn Santos.

Bukod sa kilala si Jillian bilang isang aktres, itinuturing din siya ng netizens na isang social media star.

Nito lamang February 1, isang bagong dance video ang in-upload niya sa kanyang social media accounts.

Makikita si Jillian sa video habang sumasayaw suot ang kanyang tie-dye t-shirt sa loob ng isang dressing room.

Sa TikTok, mayroon nang mahigit 133,000 views at halos 30,000 likes ang naturang video ng aktres.

Sa Facebook naman ay humakot na ang video ng mahigit 220,000 views at 27, 000 likes.