Glydel pinaratangang nang-agaw ng role

RATED R
ni Rommel Gonzales

SPEAKING of Gydel Mercado, napatili ito ng “Inaanak ko ‘yan,” nang may mang-intriga na inagaw niya ang papel na Ellie sa That Boy In The Dark mula kay Maxine Gutierrez na anak ni Lotlot de Leon.

Sa pelikula na ipalalabas ngayong January 8 ang pelikula na kasali sa cast si Aneeza Gutierrez bilang si Ellie. Si Aneeza ay anak nina Glydel at Tonton Gutierrez.

May kumalat na tsika na si Maxine ang first choice for the role, pero dahil nagustuhan ito ni Aneeza ay gumawa umano ng paraan si Glydel na mapunta ang role sa kanyang anak at hindi sa anak ni Lotlot.

Technically ay wala itong katotohanan dahil oo nga at una itong inialok kay Maxine, pero tinanggihan ito ng anak ni Lotlot dahil sa conflict sa schedule.

Kaya hindi totoong inagaw ni Glydel ang role para sa anak niya dahil hindi naman talaga napunta kay Maxine ang naturang role.

Magpinsan sina Aneeza at Maxine dahil magkapatid ang mga ama nilang sina Ramon Christopher Gutierrez at Tonton, at inaanak ni Glydel si Maxine sa binyag.

Sa direksiyon ni Adolf Alix, Jr., bukod kay Aneeza ay nasa That Boy In The Dark sina Lotlot, Glydel, Ramon Christopher, Nanding Josef at introducing si Kiko Ipapo at ang lead star na si Joaquin Domagoso.