Tradisyong pamisa nina Juday at Ryan muling nasaksihan

RATED R
ni Rommel Gonzales

SAYANG at hindi kami nakapunta sa pamisa para sa araw ng Pasko ng pamilyang Santos at Agoncillo nitong mismong December 25.

Maraming taon na rin na tuwing Pasko ay nag-iimbita ang mag-asawang Judy Ann at Ryan Agoncillo sa kanilang tahanan para sa isang misa officiated by Father Tito Caluag.

Nagsisilbing Christmas get-together na rin iyon ng mga kapamilya at kaibigan ng mag-asawa.

Pero for the past two years ay nahinto iyon, tulad din ng paghinto ng ikot ng mundo, so to speak, dahil sa mapamuksang COVID-19 na pinag-ugatan ng pandemya at lockdown sa buong mundo.

Kaya for two years, via Zoom ang naging misa sa bahay nina Juday at Ryan.

Pero sa unang pagkakataon makalipas ang dalawang taon,  muling binuksan ng mag-asawa ang kanilang pintuan para sa yearly mass tradition namin. Ang kaibahan lang, this time, may swab test para sa lahat, para siyempre sa safety ng lahat.

Hindi kami nakadalo dahil may munting selebrasyon din kami ng aming pamilya sa bahay namin sa Laguna.