Noel at Liza talbog ang mga loveteam sa tukaan

I-FLEX
ni Jun Nardo

TALBOG sa veteran artists na sina Noel Trinidad at Liza Lorena ang mga kabataang artista dahil matapos silang ipakilala sa pressccon ng festival movie ng CineKo na Family Matters, tukaan sila ng mga labi, huh!

Mag-asawang senior ang role nina Noel at Liza sa movie na pinuproblema ng mga anak.

Yes, tungkol sa pagmamahal sa pamilya ang movie mula sa tandem ng writer na si Mel del Rosario at Nuel Navana nasa likod din ng hit festival movie na Miracle In Cell No, 7.

Sa totoo lang, nang ilabas ang trailer ng movie sa social media, aba, 30 million plus agad ang views nito, huh.

At saka magagaling ang lalabas nilang mga anak sa movie na sina Mylene Zapanta, Agot Isidro, Nikki Valdez, JC Santos, James Blanco,at Ian Pangilinan.

Naku, sure bet sa acting awards ang cast at film ng Family Matters na akmang-akma ang tema ngayong festival.