Tuesday ‘nabastos’ ng dalawang baguhan

MA at PA
ni Rommel Placente

NAG-POST ang komedyanteng si Tuesday Vargas sa kanyang Instagram account tungkol sa naranasan niya sa mga batang artista na nang-isnab sa isang event. 

Aniya, kahit hindi pa oras para isalang ang mga batang artista ay isiningit sila sa program flow dahil nagmamadali ang mga ito. At kahit binati niya ang mga ito ay hindi siya pinansin.

Post ni Tuesday published as it is, “Mga batang artista, kahit gaano kayo ka-sikat at pinagkakaguluhan ng mga tao, mag-hello kayo sa kapwa nyo artista pagdating sa work. Lalo na sa nakakatanda.

“Sumingit na nga kayo sa program kasi nagagalit na ang handler nyo at bawal ata kayong pinaghihintay.

“Tapos ako pa ang nagbigay galang sa inyo, dinedma nyo pa ako.

“Tandaan, madaling maabot ang fame. Longevity is harder.

“Pakabait ok? Huwag ganun.”

Sino kaya ang mga batang artista na tinutukoy ni Tuesday?