Pinay Beauty Queen pinaiyak ng Thai fans

MATABIL
ni John Fontanilla

HINDI naiwasan ng Pinay 5th runner-up Miss Grand International 2022 na si Roberta Tamondong na maiyak nang regaluhan at sorpresahin ng kanyang fans sa Thailand.

Nakatanggap si Roberta ng money bouquet, iPad, at Apple watch mula sa kanyang generous Thai fans.

At dahil dito sobrang na-touch si Roberta sa gesture ng mga taga-Thailand kaya naman hindi nito napigilang maiyak sa labis-labis na kasiyahan.

Inalo naman si Roberta ng kanyang Thai fans at sinabihan ng “Please don’t cry!”