Carla aminadong ‘di pa nakaka-move on kay Tom

HATAWAN
ni Ed de Leon

INAMIN ni Carla Abellana sa isang television interview na hindi pa siya nakaka-move on matapos na makipag hiwalay sa kanyang asawang si Tom Rodriguez. Inamin niyang huli niyang nakita iyon noong February pa, bago umalis patungong US na hanggang ngayon ay naroon. At hindi pa siya handang makipagharap doon at

makipag-usap.

Mahiwaga iyang paghihiwalay nila. Wala kasing nakitang matinding dahilan para sila maghiwalay at sila naman ay parehong walang sinasabi. May mga taong nagsasabing mabuti naman daw ang ganyang sitwasyon, dahil baka kung magkausap sila ay magkaunawaan at magsama pang muli.

Pero sa tono kasi ng kanilang salita, mukhang malabo na iyon.