Coco at Julia ‘wag piliting aminin ang totoong relasyon

HATAWAN
ni Ed de Leon

HANGGANG ngayon ayaw tumigil ng mga Marites sa kanilang mga tsismis kina Julia Montez at Coco Martin. Napansin na naman nila na ang dalawa ay parehong nakasuot ng wedding ring. Baka nga raw

mag-asawa na.

Ano ba iyan ang dami ng tsismis. Noon may anak na raw sina Coco at Julia. Tapos dalawa na raw ang anak. Tapos ngayon naman iyang wedding ring. Eh ano ang malay ninyo kung may fans lang na nadaan sa Ongpin at ibinili ang mga idolo nila ng wedding ring? Masama bang magsuot ng ganoon?

Maliwanag kung ano man iyon, hindi pa handang umamin sina Coco at Julia. Huwag ninyo silang pilitin. Bayaan na lang ninyong dumating ang panahon na sila ang umamin kung kasal na nga sila at kung may mga anak na nga sila. Hanggang wala silang inaamin, eh ‘di wala.