Marianne Bermundo sa Dubai nag-birthday

MATABIL
ni John Fontanilla

SADubai nagdiwang ng 15th Birthday ang 2021 Little Miss Universe na si Marianne Beatriz Bermundo  kasabay ng pagho-host ng 2022 Little Miss Universe at nagpasa ng korona sa Little Miss  Universe Canada na nagwagi ngayong taon.

Ilan sa wish ni Marianne sa kanyang kaarawan ay ang magkaroon siya at ang kanyang pamilya ng malusog na pangangatawan at maraming proyekto na makakasama niya ang idolong si Catriona Gray.

“Wish ko po siyempre na maging healthy ako at ang pamilya ko, dumami pa sana ang   projects na dumating sa akin.

“Wish ko rin na sana someday makasa at makatrabaho ko ang idol ko na si Catriona Gray.”

Bukod sa hosting at pagputong ng korona nagkaroon din ito ng pagkakataon na libutin ang Dubai.

Ilan sa pinasyalan nito ang Burj Khalifa, mall of Emirates, Dubai Creek, Heritage Village, Dubai Frame, Dubai Miracle Garden, at  Dubai Mall.

Nag-enjoy nang husto si Marianne sa kanyang Dubai trip kasama ang kanyang very supportive mom na si Virgie Batalla-Bermundo at ang CEO & President ng Aspire Philippines na si Ayen Castillo.