HATAW! D'yaryo ng Bayan hatawtabloid.com
I-FLEX
ni Jun Nardo
PUMANAW na ang singer-composer na si Danny Javier ng sikat na trio na Apo Hiking Society sa edad na 75 nitong October 31.
Ka-buddy sa larong golf ng broadcaster na si Arnold Clavio si Danny. Sinabi ni Igan sa kanyang radio program sa DZBB kahapon na kahit may sakit na siya eh, patuloy pa rin siyang naglalaro ng golf. Bukod sa asthma, diabetic din si Javier.
Ang isa sa naging kaibigang artista ni Danny noong nabubuhay pa siya eh si Judy Ann Santos.
Inalala ni Juday sa kanyang Instagram kung paano sila nagin magkaibigan ni Danny. Lakas-loob niya itong nilapitan at suntok sa buwan na humiling sa singer kung puwede siyang kumanta sa kasal niya.
Hindi naman nagdalawang-salita si Juday at pumayag si Danny sa hiling niya at doon nagsimula ang friendship niya. ‘Yun na ang simula ng kanilang pagkakaibigan.
Sa DZBB noong araw ng kamatayan ni Danny, binuhay ang mga kanta ng APO Hiking Society hanggang kahapon.
Respeto at privacy ang hiling ng kanyang pamilya sa pagpanaw ni Danny. Nakikiramay po kami sa naulila niya.
