HATAW! D'yaryo ng Bayan hatawtabloid.com
PABONGGAHAN
ni Glen P. Sibonga
TUWANG-TUWA si Rayver Cruz sa mainit na pagtanggap ng mga tao sa kanyang first Beautederm mall show at store opening sa SM City Molino sa Cavite noong Oktubre 22.
Kaya naman nagpapasalamat si Rayver kay Beautederm CEO and President Rhea Anicoche Tan sa tiwala at pagkuha sa kanya bilang isa sa mga bagong ambassadors ng Beautederm.
“This is my first Beautederm mall show. Mommy Rei (Rhea) maraming-maraming salamat. I’m very happy na part na ako ng Beautederm family. Excited na akong umikot sa iba pang Beautederm mall shows at store openings,”sabi ni Rayver pagsampa niya ng stage.
Masaya rin si Ms. Rhea na kabilang na si Rayver sa kanyang Beautederm babies. Ipinost pa nga nito sa kanyang Instagram ang series of video clips ng performances ni Rayver sa mall show.
“His First BD MallShow @rayvercruz galeng nak! Welcome to our @beautedermcorporation Family!” ani Ms. Rhea sa caption ng kanyang IG post.
Nag-comment naman si Rayver dito ng, “Many more mommy rei love you thank you po!”
Nakasama ni Rayver sa mall show ang iba pang Beautederm ambassadors na sina Jane Oineza, Jelai Andres, Buboy Villar, Pauline Mendoza, Luke Mejares, at special guest na si Maria Laroco.
