Seth Fedelin nag-sorry sa tatay ni Janna

MATABIL
ni John Fontanilla

GENTLEMAN, mabait, at masarap katrabaho ito, ang mga katagang namutawi sa mga labi ng teen singer na si Janah Zaplan patungkol kay Seth Fedelin.

Nagkasama ang dalawa sa music video ng kanta ni Seth na Kundi Ikaw na naging leading lady nito si Janah.

Kuwento ni Janah, during shoot ay may mga eksena na halos magkalapit na ang mukha nilang dalawa. After take ay pumunta si Seth sa Daddy Boyet ni Janah at panay ang sorry nito.

Thankful din si Janah dahil hindi siya binash ng fans nina Francine Diaz at Seth, bagkus ay may nagsasabing bagay din sila ng aktor.

Kaya naman if ever na mabibigyan siya ng pagkakataong makagawa ng pelikula o teleserye, si Seth ang isa sa gusto niyang makatrabaho along with A1 actor Joshua Garcia na iniidolo niya.

Sa ngayon ay busy si Janah sa promotion ng kanyang bagong single na Eh Ano Ngayon? under Star Music.