Christi Fider wagi sa PMPC Star Awards for Music

MATABIL
ni John Fontanilla

WINNER sa katatapos na 13th PMPC Star Awards For Music ang singer na si Christi Fider para sa kategoryang New Female Recording Artist of the Year para sa kanyang awiting Teka, Teka, Teka ng Star Music.

Tinalo ni Christi sa nasabing kategorya sina Bianca Umali, Charo Laude, Edsel ng Ppop Gen, Hannah precillas, Heaven Peralejo, at Maine Mendoza. 

Last year, sa 12th PMPC Star Awards For Music ay tumanggap din si Christi ng special award bilang Most Promising Female Singer.

Nagpapasalamat si Christi sa officers and members ng Philippine Movie Press Club (PMPC) sa karangalang ibinigay sa kanya, sa kanyang mga magulang, sa Star Music Family, sa kanyang Christi Amigos, at sa kompositor ng kanyang awiting Teka, Teka, Teka na si Direk Joven Tan.

At bago matapos ang taon ay nakatakdang maglabas ng bagong single si Cristi na magiging maagang Pamasko sa kanyang mga loyal supporter.