HATAW! D'yaryo ng Bayan hatawtabloid.com
HATAWAN
ni Ed de Leon
NATAWA kami roon sa linyang “pinagsasabong” umano sina Bea Alonzo at Marian Rivera sa ngayon. Parang hindi naman match, dahil hindi naman masyadong malaki ang mga project na ginagawa nila sa ngayon. Sinasabi nga mataas ang ratings at trending sa social media, pero ewan kung bakit hindi namin naririnig sa mga kuwentuhan. Ibig sabihin mababa ang recall.
Ang mas pinaniniwalaan naming malakas talaga ay iyong maririnig mo sa mga Marites hanggang kinabukasan kung ano man ang napanood nila sa sinundang gabi. Basta malakas ang recall sa tao, iyan ang mga serye na interesado sila.
Ang naririnig naming napakalakas ng recall ay iyong mga serye pa ni Sanya Lopez, na nalampasan na nga ng dalawang kasunod na pinag-uusapan pa rin hanggang ngayon. Taas noo pa rin ang mga Yaya dahil kay Sanya. Eh bakit iyong dalawa ang pagsasabungin, bakit hindi sila ilaban kay Sanya?
Sasabihin naman niyong mga kritikong pulpol na si Sanya ay nakasakay lang sa popularidad ni Gabby Concepcion, aba kung matutuloy nga ang usapan niyon na si Marco Gumabao ay itatambal din sa kanya, makikita ninyo ang lakas ni Sanya. Alalahanin ninyo, bumagsak ang pelikula ni Marco na partner si Sharon Cuneta. Pero palagay namin magkakabatakan sila pataas ni Sanya. Mas bagay kasi kay Marco iyong match lang ang leading lady, hindi iyong kuwentong May-December affair gaya ng pelikula nila ni Sharon. Sino ba naman ang maniniwala na ang isang poging batang gaya ni Marco ay mababaliw sa mas matanda sa kanya at mataba pa noong si Sharon? Kaya nga si Daryl Yap gumawa na lang ng kuwento ng mga kasambahay sa Malacanang eh.
