Jessa ‘di totoong tinanggalan ng korona 

MATABIL
ni John Fontanilla

MARIING pinabulaanan ng kapapanalo pa lang na Mrs. Universe Philippines Pacific Continental 2022 na si Jessa Macaraig na natanggalan siya ng korona.

Kuwento ng ka-look-alike ni Angel Locsin sa mini-presscon na siya ang nagbalik ng korona sa Mrs Universe Philippines Organization.

Hindi na kasi niya afford ang maglabas pa ng malaking halaga para lumaban sa international pageant.

“Parang hindi naman po ganoon ang nangyari  kaya ako natanggalan ng korona. 

“We have a registration fees of P50k, so hindi talaga ako puwedeng tanggalan ng korona. 

“And I have a letter at nakalagay doon ‘yung reasons kung bakit ako may crown and sash (title),” esplika ng beauty queen/negosyante.

Dagdag pa nito, “After winning kasi, kinausap ako ng organizer ng Mrs. Universe Philippines at sinsabi sa akin na kailangan kong mag-produce ng P350K para mag- compete sa international pageant.

“Kasama na roon ang entry fee, accomodation sa hotel at marami pang iba.

“Hindi pa kasama riyan ang ticket, glam team na ako rin ang sasagot at mga gamit na gagamitin ko for the pageant like gown, national costume atbp.. Kaya siguro gagastos ako ng lagpas P350K.

“So I decided not to compete sa intetnational pageant anymore, pero if ever sana na sila ang sasagot sa expenses, willing naman akomng lumaban abroad, na malabong mangyari.”

At dahil sa nangyari wala na ring balak sumali pa ulit sa iba pang pang beauty pageant si Jessa na mas gusto na lang mag-concentrate sa kanyang negosyo, ang The Pretty You, isang beauty cosmetics and personal care na marami na ring branches sa buong Pilipinas.

Nagbigay din ito ng mensahe sa Mrs Universe Philippines Organization.

“Continue lang ‘yung advocacy n’yo to empower women, kaya naman ako sumali rito kasi ‘yun ‘yung advocacy n’yo, to inspire women and moms kaya tuloy n’yo lang ‘yung ganoong organization.

“At sana magkaroon lang ng fair na laban, kasi deserve naman talaga ng bawat mom na ma-recognize,” sambit pa ni Jessa.