Dominique ‘di raw buntis busy lang sa negosyo

HATAWAN
ni Ed de Leon

NATAWA kami sa mga isinagot ni Dominique Cojuangco, anak ni Gretchen Barretto sa isang nagtanong na  netizen kung buntis siya. Anito, hindi siya buntis at naging busy lang sa kanyang negosyo.

Kung mabuntis man eh ano naman ang masama, legal na naman yata ang pagsasama nila ni MJ Hearns, na hindi lang maliwanag sa amin kung nagpakasal na nga sila o hindi pa, bagama’t may usapang ganoon.

Nang igiit sa kanya ng netizen na iyon kasi ang sinabi sa isang vlog, ang isinagot ni Dominique, “she needs better ways to fill her time.” Hindi lang sinabing mali eh. Ang pagkakasabi “humanap na lang siya ng ibang magagawa.”

Tungkol naman sa ermat niyang si Gretchen, sinabi niyang ine-enjoy niyon ngayon ang kanyang pribadong buhay. Noong mga nakaraang taon kasi ay nadamay si La Greta sa kung ano-anong controversy pati na sa sabong, kaya ok naman ngayon na manahimik na muna siya.

After all hindi naman niya kailangang makigulo pa sa buhay. Ayos na naman ang buhay niya ano man ang sabihin nila.