Jillian binulyawan ng doktor

I-FLEX
ni Jun Nardo

KINAMPIHAN ng isang content creator na isa ring doctor na si Dr. Alvin Francisco ang nangyayaring eksena sa ospital sa GMA Afternoon prime na Abot Kamay Na Pangarap.

Bida si Jillian Ward sa series bilang isang batang surgeon. May eksenang pinagagalitan si Jillian ng isang senior doctor.

Ayon kay Dr Francisco sa kanyang Facebook sa eksenang ‘yon, “May nagko-comment kasi na hindi raw realistic. ‘Yung doctor daw hindi ganito sa totoong buhay.

“Sad to say po, nangyayari ito sa totoong buhay…Sa mga hindi nakakaalam, mayroong hierarchy ng mga doctor sa loob ng hospital. Nangyayari po ito sa totoong buhay.”

Kuwento pa ng doctor, “Marami akong experience na pinag-initan ng kapwa mga doctor. Minsan, diniin nila, pina-power trip nila. Binu-bully nila.

“Medyo alarming kasi this is under reported…’Yung mga nakakaranas nito hindi nila nire-report eh…This is actually happening and this is very realistic.”

Aba, dapat imbestigahan ang mga ganitong doctor, huh.