HATAW! D'yaryo ng Bayan hatawtabloid.com
HATAWAN
ni Ed de Leon
WALANG nangyaring reconciliation kina Carlo Aquino at sa dati niyang girlfriend at nanay ng kanyang anak na si Mithi, si Trina Candaza.
Inamin ni Trina na ok naman sila ni Carlo at kung walang trabaho dinadalaw sila ni Mithi sa condo, minsan ay ipinapasyal pa ang bata na hindi naman niya pinigil noong magkahiwalay sila.
Naniniwala kasi si Trina na ang problema ay sa kanilang dalawa ni Carlo at hindi dapat na madamay ang kanilang anak.
Inamin niyang madalas silang nag-uusap tungkol sa kanilang co-parenting kay Mithi, pero walang usapan ng reconciliation.
Inamin ni Trina, hindi siya nagsasalita nang tapos, hindi mo nga naman masasabi kung ano ang mangyayaring kasunod, pero basta sa kanilang dalawa ang mahalaga sa ngayon ay ang pagpapalaki kay Mithi
Siguro nga tama si Trina, kung ano man ang pangangailangang material ng kanyang anak ay kaya naman niyang ibigay, pero tanggap niya ang katotohanan na kailangan din niyon ng kalinga ng isang ama.
Maganda ang pananaw niya sa buhay. Diyan nagkakamali ang maraming naghiwalay. Basta ang iniisip nila, kung ano man ang kailangan ng mga anak nila ay
kaya nilang ibigay. In the end, ang mga bata ang nagsa-suffer dahil kailangan ng isang bata ang pagkalinga ng ama’t ina. Hindi puwedeng isa lang.
Pero naniniwala kami na mas maganda kung isang araw ay makakapag-usap
sila nang masinsinan, kalimutan na kung ano man ang naging problema nila at magkasama silang muli alang-alang sa kanilang anak.
