HATAW! D'yaryo ng Bayan hatawtabloid.com
REALITY BITES
ni Dominic Rea
PAANONG nabuntis ni Gerald Anderson si Kylie Padilla na kasalukuyang may ginagawang pelikula abroad? Paanong hiwalay na sina Gerald at Julia Barretto eh wala namang lumabas na balitang nagkalabuan na sila?
Minsan nakakaloka rin itong mga gimikero sa Youtube at kung ano-ano pang social media platforms huh.
Humahataw ang kasinungalingan sa kanilang ginagawang click byte para lang panoorin ang mga vlog nila. Nakaka-sad ito. Okey lang sana kung totoo eh. ‘Yung gawin mong totoo ang hindi para lang kumita sila sa mga vlog nila, abay, hindi nakatutuwa.
Buti na lang at sinagot kaagad ni Kylie ang isyung ito kamakailan para na rin mahinto itong ginawa ng nagpakana. Kakaloka ‘di ba?
