HATAW! D'yaryo ng Bayan hatawtabloid.com
MA at PA
ni Rommel Placente
SA naganap na contract signing ni Ruffa Gutierrez sa Viva Artist Agency (VAA), tinanong siya kung kamusta ang kanyang lovelife. Balita nga kasi na may namumuo nang relasyon sa kanila ni Herbert Bautista.
Sabi ni Ruffa, “My God, para naman tayong teenagers! Nandiyan lang ‘yan.
“Ang love life naman, when you’re at this age, kailangan makinig sa mga bagay-bagay na mas mahalaga para sa atin, like our family, our career.
“We should be with a man that understands all that and can take the backseat when he has to, who support you when you need the support.
“Para sa akin, hindi naman kailangan tanungin na i-prioritize ang love life or i-prioritize ang career.
“Understood na lahat ‘yan kasama na sa buhay natin. Ang pangit naman kung puro career na walang nagpapa-inspire sa ‘yo.
“Ang importante, you know how to balance everything and live a well-balanced life.”
Ayon pa kay Ruffa, ang love life ay hindi naman kailangang i-broadcast.
“A love life should just add spice to your life. It shouldn’t be the major priority.”
Base sa sinabi ni Ruffa, parang ayaw niyang napag-uusapan ang kanyang lovelife, ‘di ba? Baka this time, ang gusto niya ay magkaroon siya ng privacy sa usaping pag-ibig.
