HATAW! D'yaryo ng Bayan hatawtabloid.com
MATABIL
ni John Fontanilla
PROMISING ang kauna-unahang alaga ng businesswoman na si Mommy Merly Peregrino na si Clark Samartino na bida sa pelikulang Nang Sumikat ang Araw sa Gabing Madilim na mula sa direksiyon ni Ryan Favis at prodyus ni Mommy Merly.
Bukod sa guwapo, mahusay umarte si Clark na handang-handa na sa mga intrigang kakaharapin dahil na rin sa desidido siyang sumikat at nakilala sa showbiz.
Kuwento ni Clark, minsan na siyang naintriga nang ma-link siya at magka-issue sa isang sexy actress, kaya naman kung nalagpasan niya ang nasabing intriga mas matapang na siya ngayon para harapin ang mas malalaking pagsubok na puwedeng dumating sa kanya.
Thankful si Clark dahil nakilala niya si Mommy Merly, ang tumatayong manager niya dahil ipinagkatiwala sa kanya ang magbida sa pelikula. Sana nga ay masundan pa ito ng mas maraming projects ngayong taon.
Ang pelikula ni Clark ay kasama sa 7th Inding-Indie Festival na gaganapin sa Gateway Cineplex Cinema sa Aug. 22 at sa SM Bacoor sa Sept. 26 at sa Metropolitan Theater Manila sa Aug. 30.
