HATAW! D'yaryo ng Bayan hatawtabloid.com
COOL JOE!
ni Joe Barrameda
NAAKSIDENTE noong Martes sina K Brosas at Pokwang kasama ang kanilang handler na si Daryl Zamorahabang papunta sa sponsored lunch ng isang sponsor ng show nila sa Dallas, Texas.
Sa picture na ipinost ni K sa kanyang social media account, ipinakita nito ang isang parte ng SUV na sinasakyan nila ang tinamaan ng nakabanggang sasakyan. Sa side na iyon nakaupo si K. Kaya medyo nasaktan siya pero hindi naman daw grabe. Parang gasgas lang.
Sa Amerika, truck kung tawagin ng iba ang mga SUV.
Ikinaloka ni K ang nangyaring aksidente. Pero good thing, hindi sila masyadong naapektuhan. At in fairness mabilis na dumating ang mga pulis, ambulansiya, at bumbero. SOP kasi ‘yun sa Amerika kapag tumawag ka sa 911. Kaya naman sabay-sabay dumarating ang pulis, ambulansiya, at bumbero.
Nangyari ang aksidente bago nila lisanin ang Dallas, Texas at sa New York naman ang susunod nilang show sa Aug 13. After that ay dalawang show sa Tampa at Pensacola sa Florida ang susunod.
