Mommy Dora bida na sa BL series na Can This Be Love

MATABIL
ni John Fontanilla

BONGGA ang host at comedian na si Mar Soriano aka Mommy Dora dahil mayroon na siyang sariling BL series, ang Can This Be Love na hatid ng Bright A3 Entertainment at isinulat ni Arn Palencia.

Ayon nga kay Mar, sobra-sobra ang pasasalamat niya sa kanilang producer sa pagkakataong ibinigay sa kanya para mag bida.

“Sobrang nagpapasalamat po ako sa Bright A3 Entertainment dahil ‘yung dream ko na magbida sa isang palabas ay natupad dahil sa kanila.

“Medyo kinakabahan po ako, ‘di ko kasi alam ‘yung  magiging reaksiyon ng viewers kung magugustuhan pa nila o kaya may manonood ba.

“Bale first time ko rin sa isang project na magkakaroon ng leading man, kaya feeling ko ang haba-haba ng hair ko. Pero no kidding aside sana magustuhan ng manonood ‘yung BL series namin, kasi maganda at maraming makte-relate.

Makakasama ni Mar sa Can This Be Love sina Joel Guevara, JC Santiago, Ivern Cervantes, Cyril Ang, Anthony Martin, at Grey Ramos. Idinirehe ito ni Grey Ramos at hatid ng Bright A3 Entertainment nina Allen Lino at  Arn Palencia, written by Arn Palencia at mapapanood sa Youtube Channel ng Bright A3 Entertainment.