HATAW! D'yaryo ng Bayan hatawtabloid.com
MATABIL
ni John Fontanilla
MARIING itinanggi ni AJ Raval ang iniulat ni Cristy Fermin sa programang Cristy Ferminute na buntis siya courtesy ng kanyang napapabalitang boyfriend na si Aljur Abrenica.
Inirerespeto naman ni Fermjn ang ginawang pagtanggi ni AJ.
Tsika ni Cristy, “Hindi po kami apektado, nang mag-deny po si AJ Raval tungkol sa ibinalita namin sa sitwasyon niya ngayon.
“Hindi po kami galit sa kanya, natural lamang po na binibigyan namin ng pagkakataon ang mga artista na tanggapin o i-deny ang anumang balita na kumakalat tungkol sa kanila.”
Dagdag pa nito, “Hindi tayo ang dapat niyang kausapin, ang ating source na may malaking-malaking bahagi sa karera niya ngayon, kayong dalawa ang mag-usap.
“Bahala na po si AJ Raval kung ano ang magiging desisyon niya, basta po, kami ay hindi apektado.
“Ito pong aming source eh talaga namang sa buong karera ko po bilang manunulat, hindi po niya ako sinubukan ng kuwento na katanong-tanong o pagdududahan.”
Kaya naman samo’tsaring reaksiyon ang natanggap ng pagde-deny na ginawa ni AJ sa kung sino nga ba ang nagsasabi ng totoo, si Cristy Fermin ba o ang sikat na sexy star?
