Alodia Gosiengfiao engaged na kay Christopher Quimbo

MATABIL
ni John Fontanilla

NATAGPUAN na ng sikat na  costplayer at video game creator na si Alodia Gosiengfiao ang lalaking makakasama at magmamahal sa kanya habambuhay, si Christopher Quimbo.

Bago ito, naging masalimuot noon ang relasyon ni Alodia sa vlogger na si Will Dasovich na mula sa ilang taong pagmamahalan ay nauwi sa hiwalayan.

At lumipas ang ilang buwan ay ay nabalitaan ngang nakikipag-date na si Alodia kay Christopher at ngayon ay inanunsiyo na ng mga ito sa social media na sila’y engaged na.

Nag post nga ang mga ito ng mga litrato ng kanilang engagement na may caption na  “For some it takes a lifetime to find true love. But for the lucky ones, a lifetime is merely enough to share the love they’ve found.”

Pinusuan ito ng mga tagahanga at kaibigan ni Alodia na masayang-masayang  at umaasa na ito na ang makatuluyan nito at makakasama sa buhay.