HATAW! D'yaryo ng Bayan hatawtabloid.com
MATABIL
ni John Fontanilla
INAMIN ng bida sa pelikulang Tahan na si Cloe Barreto na nag-request siya sa kanilang writer na si Quinn Carillo na magkaroon sila ng kahit sandaling love scene ni JC Santos.
Halos lahat kasi ng nakasama nitong aktor sa Tahan ay mayroong sizzling love scene maliban kay JC, kaya naman after ng matagumpay na special screeening ng Tahan ay natanong si Cloe kung hindi ba siya nanghinayang dahil hindi niya natikman si JC sa movie.
Mabilis naman nitong sinagot na “oo nanghinayang ako at nag-request nga ako na lagyan nila ng love scene pero ‘di ako napagbigyan.”
Pero going back sa movie, napakaganda ng pagkakagawa ni Direk Bobby Bonifacio Jr., at napakahusay ng pagkakasulat ni Quinn na grabe ang twist ng story na kapupulutan ng aral.
Hindi rin matatawaran ang husay dito ni Cloe na hindi nagpakabog sa napakahusay na aktres na si Jaclyn Jose na gumanap na nanay niya at napakatapang sa pagpapakita ng maseselang bahagi ng kanyang katawan.
Bukod kay Jaclyn makakasama rin ni Cloe sa Tahan sina Quinn na mahusay din bilang kaibigan nito sa movie, AJ Oteyza, Mercedes Cabral, Karl Medina atbp. Hatid ng 3.16 Media Network ni Len Carillo at John Bryan Diamante. Mapapapanood na ang Tahan simula sa July 22 sa Vivamax Philippines.
