Sarah Javier excited makasama ang anak sa show 

MATABIL
ni John Fontanilla

MAY magandang balita sa kanyang mga tagahanga si Sarah Javier na kanyang i-pinost sa social media at ito ay ang nalalapit na release ng kanyang pinakabagong awitin, ang Happy Anniversary sa July 15.

Swak na swak ang awiting ito ni Sarah sa mga mag-asawa, magkasintahan na nagsi-celebrate ng kanilang anibersaryo lalo na’t maganda ang lyrics at melody nito.

Bukod sa bagong song ni Sarah, mapapanood din ito sa  show na KantaWanan sa Music Box sa July 31 ns makakasama sa kauna-unahang pagkakataon ang kanyang guwapo at talented na anak na si Jacob Flora.

Ka-join din sa show sina Boobsie Wonderland, JV Decena, Joaquin Garcia, Laverne Arceo, Joyce Pilarsky, Sofi Fermazi, Rhen Deleon and Kay Acosta . Hatid ng Sure Production at Wow It’s Showbiz nina Suzette Recto at Joey Austria co-Produced by Fernan Ms F De Guzman at Boy Romero , directed by Joey Austria for the benefit of Bahay Pag Asa.

Post nito sa kanyang FB, “His Time I’m With My Son  Jacob Flora, see you alll there.

Maki- chill, mag relax at mag watch na sa July 31, Sunday 7 PM @ The New Music Box. Timog avenue corner Quezon àve. Gawin natin positibo at magaan lang ang buhay… Makikanta at makitawa na. Siguradong sasaya ka pa. “

Nominado ang awitin ni Sarah, ang Ihip ng Hangin sa 13th Star Awards for Music sa kategoryang Inspirational Song of the Year na gaganapin sa Setyembre.