HATAW! D'yaryo ng Bayan hatawtabloid.com
ALAM MO NA!
ni Nonie Nicasio
IPINAHAYAG ng Vivamax sexy actress na si Rob Guinto na gusto rin niyang patunayang hindi lang pagpapa-sexy ang kaya niyang gawin bilang aktres.
Saad niya, “Sa totoo lang, ang wish ko talaga ay ang makilala ako hindi lang sa pagpapa-sexy sa pelikula, kundi sa aking angking talento mismo.”
Isa si Rob sa casts ng pelikulang Virgin Forest na palabas na ngayon sa Vivamax. Tinatampukan ito nina Sid Lucero, Vince Rillon, Angeli Khang, at iba pa, mula sa pamamahala ni Direk Brillante Mendoza.
Ayon sa aktres gumaganap siya rito bilang si Gina, isang babaeng mahiwaga sa gubat.
Gaano siya ka-sexy sa pelikula? “Fifth movie ko na ito, but second lead role. Masasabi kong iyong papel ko rito sa movie ay wild but still innocent,” nakangiting sambit niya.
Ano ang masasabi niya sa kanilang award-winning direktor dito at sa co-star niya?
“Ang masasabi ko po kay Direk Brillante, sobrang sarap katrabaho ni Direk at marami kang matutunan talaga sa kanya.
“Pagdating naman kay Vince, sobra siyang maalaga talaga sa co-artist niya,” lahad pa ni Rob.
Bakit dapat panoorin itong kanilang movie?
Esplika ni Rob, “Dahil marami kayong matututunan dito sa pelikula namin and it’s an eye opener as well. Ito ay about sa human trafficking and destruction of our natural resources.
“Masasabi kong itong Virgin Forest ang pinaka-challenging na movie na nagawa ko, so far.”
