Ima at Sephy nagpatalbugan sa Funpasaya sa Fiesta 2022

MATABIL
ni John Fontanilla

DINUMOG ang mini-concert via Funpasaya sa Fiesta 2022 nina Ima Castro at Sephy Francisco sa Socorro, Surigao Del Norte kamakailan na ginanap sa Plaza Bucas Grande Island.

Nakasama nina Ima at Sephy sa mini-concert ang Club 690 performers na sina Cherry Pie, Aikee The Black Butterfly, at Fire Diva Daryl na talaga namang mabentang-mabenta sa mga taong naroroon.

Sobrang pinahanga nina Ima at Sephy ang mga nanood sa konsiyerto dahil talagang  nag patalbugan ang dalawa sa kani-kanilang production numbers na sinuklian ng malakas na palakpakan at hiyawan mula sa mga manonood.

At dahil first time nina Ima, Sephy at ng iba pa ang makapunta sa Surigao Del Norte,   inilibot ang mga ito sa ilang magagandang lugar, falls, at beaches doon na ikinamangha nila. 

Ang Funpasaya sa Fiesta 2022 ay hatid  ng Soccoro Tourism Office at Municipality of Socorro Surigao Del Norte at sa pakikipagtalungan ni Raoul Barbosa ng Wemsap na siyang script writer at direktor ng show kasama si Jeffrey Dizon, technical direktor.