Jeric pinagbubura pictures ni Rabiya 

I-FLEX
ni Jun Nardo

NAG-IISA na lang ang post sa Instagram ng Kapuso actor na si Jeric Gonzales. Tanging ang picture na may nakatalikod na tao ang nakalagay, “IST #StartUpPH.” 

Burado na ang lahat ng posts ni Jeric pati na ‘yung pictures na kasama ang girlfriend niyang si Rabiya Mateo. Habang si Rabiya ay buhay pa ang IG. Solo pics na nga lang ang nandoon at wala na ‘yung magkasama sila ni Jeric.

Naglabasan na ang mga tsismis na hiwalay na sina Rabiya at Jeric. Kapwa tikom ang bibig ng dalawa tungkol dito.

Balitang may kinalaman sa tsismis na hiwalay na sila ni Rabiya kaya burado ang ilang posts ni Jeric sa IG, huh!