Cardo Dalisay nalayo na sa Probinsyano ni FPJ Kuwento na ng Agimat ni Mang Ramon

HATAWAN
ni Ed de Leon

SA isang kuwentuhan, may nagtanong sa amin, “si Cardo Dalisay ba ay talagang tao o isang pusa?” Nagkatawanan kami dahil sa tanong, pero may punto eh. Ginawa na ang lahat para mamatay si Cardo Dalisay, pero lumabas na buhay pa rin siya. Mukhang malayo na nga yata sa kuwento ni FPJ. Mukhang kuwento na iyan ni Mang Ramon Revilla na may agimat kaya hindi mamatay-matay.

Nangamatay na ang character ng iba pa niyang kasama, pero papasok pa ang character ni Charo Santos. Hindi naman siguro nila ipapasok si Charo kung totoong hanggang July na lang ang serye.

Tiyak iyon makaka-recover ay magbabalik pa rin ang may sa pusang si Cardo. Pero sa totoo lang malayo na nga iyan sa kuwento ng original Probinsiyanong si FPJ. Magaling si FPJ pero tao kasi siya eh, hindi siya pusa.