HATAW! D'yaryo ng Bayan hatawtabloid.com
HATAWAN
ni Ed de Leon
EWAN, pero napapansin namin na may isang social media account na para kay Piolo Pascual, pero hindi nila napipili ang kanilang posts. Maraming lumalabas na pictures ni Piolo na kung kami ang tatanungin, hindi dapat na inilalabas pa.
Minsan may napansin kaming picture ni Piolo na hindi nakaayos, mukhang may ginagawang kung ano, nakangiti naman pero mukhang pagod at labas nang lahat ang puting buhok. Wala namang masama kung puti na ang buhok niya. Talagang ganoon. Tumatanda na iyong tao eh. Pero ang dapat sanang iniisip ng administrator ng account na iyon ay ang katotohanang matinee idol si Piolo, at dapat pogi siya lagi dahil iyon ang image niya.
Masisira ang matinee idol image ni Piolo kung lalabas ang pictures na wala sa ayos. Sana iniisip naman nila iyon.
