HATAW! D'yaryo ng Bayan hatawtabloid.com
HATAWAN
ni Ed de Leon
MAY mga nagsasabi na minsan daw kumita si Liza Soberano ng P10-M sa isang commercial endorsement lamang, peroBiyong taong naka-discover sa kanya sa internet at tumayong una niyang
manager bago ang writer na si Ogie Diaz, na kinilalang isang Dudu UnayBay hindi yumaman. Binigyan lang daw ni Ogie Diaz ng pang-down payment sa kanyang kotse na mula sa komisyon ni Ogie, at binuno na niya ang pagbabayad ng kotse sa loob ng limang taon. Kay Liza, wala siyangbnakuha.
Kung iisipin mo naman, sisikat kaya nang ganyan si Liza kung hindi ibinigay ni Dudu kay Ogie? Pero iyong Dudu, tinanggap niyang maging road manager na lang ni Liza, siya iyong kasa-kasama at umaalalay kay Liza. Lumalabas na tauhan na siya ni Ogie na siyang nagsusuweldo sa kanya. Ngayong nilayasan ni Liza si Ogie, wala na rin si Dudu.
Ganoon talaga ang kalakaran sa showbusiness eh. Iisipin mo lang na kaya ginawa mo ang isang bagay ay dahil kumita ka naman. Huwag ka nang maghihintay na tumanaw pa ng utang na loob ang artista dahil hindi nila alam iyon. Sasabihin nilang kaya sila sumikat ay dahil magaling sila.
Bihira ang nagkakaroon ng pagkakataong mapatunayan ng isang tumulong sa artista na tama sila, at iyan ay kungbbumagsak na ang tinulungan nilang artista. Kami, masasabi naming totoo iyan, dahil maraming lumapit sa amin noong araw, nagpatulong, masyadong naging matalino at ngayon ay hilahod na ang career. Alam naming mapatutunayan din iyan ni Ogie pagdating ng araw, at siguro masasabi na rin ni Dudu na tama siya. Ganyan naman lagi ang nangyayari eh.
Pero isang bagay ha, kung kami iyon, hindi namin babayaran ng P10-M si Liza para sa isang commercial endorsement lang. Ang galing ni Ogie para makumbinsi niya ang kliyente sa ganoong presyo. Tingnan natin kung magawa iyan ni James Reid. Kung hindi hahalakhak si Dudu Unay.
