HATAW! D'yaryo ng Bayan hatawtabloid.com
MANILA—Tinanghal na kampeon si Christian Gian Karlo Arca, ang pinakabatang Arena Grandmaster (AGM) sa edad na 11 matapos dominahin ang Mayor APSU Cup kiddies 14 under chess tournament na ginanap sa Mantangale Alibuag Dive Resort, Balingoan, Misamis, Oriental nung Huwebes, Mayo 26, 2022.
Ang ipinagmamalaki ng Panabo City, Davao Del Norte ay nakalikom ng 5.5 points na may 5 wins at 1 draw sa event na inorganisa ng LGU Balingoan at Balingoan chess club.
“Hindi ko maipaliwanag ang nararamdaman ko sa kasalukuyan. Ang pagkakapanalo ko sa Mayor APSU Cup kiddies 14 under chess tournament ay mahalaga sa akin,” sabi ni Arca na suportado ang kanyang local at international campaign ni Atty. Jong Guevarra.
“I’m really happy,” sabi ng National Master (NM) Arca na naghari sa over the board chess tilt na may time control format 15 minutes plus 5 seconds increment.
Kabilang sa mga tinalo ni Arca ay sina John Chon Tambeling sa first round, Quarl Maverick Vera Cruz sa second round, Ruelle Canino sa third round, Lyn Getubig sa fourth round, Kyla Dalagan sa fifth round bago tumabla kay Keith Adriane Ilar sa sixth at final round.
Sariwa pa si Arca sa pagiging board 1 sa Panabo City chess team na tumapos ng malakas na runner-up place sa NM Zulfikar Aliakbar Sali 2022 Inter-Cities & Municipalities Chess Team Championship nitong Mayo 22, 2022 na ginanap sa SM City Mindpro, Zamboanga City.
Ang 13 years old Arca na Grade 7 STE – Section Universe pupil ng Panabo City National High School ay muling masisilayan sa paglahok sa NAGCC Semi Final U14 Open (Mayo 28-29, 2022) na ilalaro via online Tornelo platform at sa CDO Tatluhan Team Tournament sa Hunyo 4-5, 2022.
– Marlon Bernardino –
