HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
PITONG sexy scenes ang sinalangan ni Baron Geisler sa Pusoy ng Vivamax na mapapanood na simula ngayong araw, Mayo 27, at produced ni Direk Brillante Mendoza.
Kuwento ni Baron sa isinagawang media conference pagkatapos ng private screening, hindi siya aware noong unang ialok sa kanya ang pelikula na ganoon karami at sobrang daring ang karakter na gagampanan niya sa Pusoy.
Si Baron ang lider at isang malupit na gambling lord. Babae niya si Janelle Tee na mahusay sa baraha at katulong niya sa pandaraya sa sugal. Si Janelle rin ang kapareha ni Baron sa mga kinky scenes o iyong sadomasochism. At dahil nangailangan ng malaking halaga para pagtakpan ang isang krimen, naengganyong sulutin si Angeli Khang kay Kiko Matos.
Tulad ni Janelle, hustler din sa baraha si Angeli at may pagka-sado masokista rin ang mga sex na ginagawa nila.
“Tinawagan ako ni Direk Brillante, ‘Baron may gagawin kang pelikula ha, maganda ‘yung role kasama mo si Vince (Rillon) kayong dalawa ang bida rito. Ikaw ang kontrabida.’ Sabi ko ‘Yes direk! Sige po,’” pagkukuwento ni Baron.
“Next day nag-meeting na kami, sabi niya (Direk Brillante), ‘O, maganda mga eksena rito, ha, o ‘wag kang iinom, ha.
“Tapos biglang pagdating na roon (sa set), ‘Baron mag-plaster ka na (ani direk Brillante).
“Ho? ‘ ‘May pitong sexy scenes ka rito’ (sabi ulit ni direk).’
“So pinanindigan ko na lang kasi naniniwala ako kay direk Phil (Giordano) at saka kay direk Brillante na hindi ako makahindi bilang producer at hindi lang pang-Vivamax ito maaaring pang-ibang bansa, so, grateful. Pero naisahan po ako ni direk. Langya ka (sabay turo kay direk Brillante),” natatawang sabi pa ng aktor.
Aminado naman ni Baron na medyo nahiya siya sa daring scenes na ginawa niya sa Pusoy lalo’t umabot na siya sa edad 40 ay at saka siya naghubad.
Pero posibleng maulit ang pagpapaka-daring ni Baron kapag, “nasa P2-M ang bayad hahaha…Depende sa bayad,” sabi pa ng magaling na aktor.
