Direktor ng Talents Academy sumabak na sa pelikula

MULA sa pagiging award winning TV direktor, pinasok na rin ni Jun Miguel ang paggawa ng pelikula via short film Aking Mga Anak.

Si Jun ang direktor ng awardwinning children show na  Talents Academy na napapanood sa IBC 13 na ilang beses nang nagwagi sa Star Awards for Television at sa iba pang prestigeous award giving bodies.

Pero ngayong taon ay ang paggawa naman ng pelikula ang kanyang susubukan at  iyon nga ay via Aking Mga Anak na siya ring screen writer at producer. At pinagbibidahan ng mga  bata sa Talents Academy.

Na-inspire si Jun sa mga obrang pelikula nina Joel Lamangan, Brillante Mendoza, Chito Roño atbp. Kaya naman nagdesisyon itong subukan ang paggawa ng pelikula.

Ngayong taon nga ay may mga pelikulang naka-line na siyang gawin pagkatapos  maipalabas sa mga sinehan ang kanyang first movie.

Ilan sa artistang gusto at dream nitong maidirehe ay sina Nora Aunor, Vilma Santos, Nadine Lustre, Jericho Rosales, Kathryn Bernardo, Piolo Pascual, Daniel Padilla, Bea Alonzo, at Alden Richards.

 (JOHN FONTANILLA)