HATAW! D'yaryo ng Bayan hatawtabloid.com
PABONGGAHAN
ni Glen P. Sibonga
PROUD mommy si Beautederm CEO and President Rhea Anicoche Tan sa kanyang anak-anakan at brand ambassador na si Darren Espanto kaya naman muli niyang Ini-renew ang kontrata ng sikat na singer-actor-endorser.
Nag-post ng series of photos sa kanyang Instagram at Facebook accounts si Ms. Rhea ng kanilang bonding sa pictorial ni Darren.
“@darrenespanto renews contract with @beautedermcorporation . loveu anak ! Thank you at isa ka sa masisipag kong babies. salamat sa pagmahal sa BD,” ayon sa caption ng post ni Ms. Rhea.
Hindi rin maiwasang makipagkulitan ni Ms. Rhea kay Darren lalo na sa kanilang wacky shots na magkasama.
“Pictorial Day talaga ito ni Darren! Hahaha! Contract Renewal, nakisingit lang ang mommy nyang makulit! loveu anak!” sabi ni Ms. Rhea.
Bukod sa sipag sa pag-e-endorse ng Beautederm, minahal din ni Ms. Rhea si Darren sa pagiging sweet nito. Talagang sinasadya pa ni Darren si Ms. Rhea sa bahay niya sa Angeles, Pampanga para magbigay ng regalo.
Bago nag-lockdown dahil sa pandemya noong March 2020, si Darren ang huling ini-launch bilang Beautederm ambassador via face-to-face presscon. At ngayong nag-renew na siya ng kontrata ay tuloy-tuloy ang magandang samahan nina Darren at Ms. Rhea.
