Tuesday , March 18 2025

P1.3-M shabu nasabat sa big time pusher

NASABAT ng mga tauhan ng Taguig City Police ang tinatayang P1.3 milyong halaga ng hinihinalang shabu sa isang ‘big time drug pusher’ sa lungsod.

Nasa 200 gramo ng hinihinalang shabu na nagkakahalaga ng P1,360,000 ang nasamsam sa isang ‘big time drug pusher’ sa ikinasang anti-illegal drug operation ng Taguig City Police sa lungsod.

Kinilala ni Southern (SPD) Director, BGen. Jimili Macaraeg ang naarestong suspek na kinilalang si Akmad Sumlay, alyas Tukoy, 30, driver at isang high value individual (HVI), residente sa Taguig City.

Base sa report, nagsagawa ng buy bust operation ang mga tauhan ng Station Drug Enforcement Unit (SDEU) sa Roldan St., Purok 2, Brgy. New Lower, Taguig City, dakong 7:00 pm nitong Huwebes na nagresulta sa pagkakaaresto sa suspek.

Nakompiska kay Sumlay ang limang pakete na naglalaman ng shabu, marked money, belt bag, at digital weighing scale.

Dinala ang mga ebidensiya sa SPD Forensic Unit para sa laboratory at drug test examination habang inihahanda ang kasong Comprehensive Dangerous Drugs Act of 2002 laban sa suspek.

“Lubos kong ikinatutuwa ang kasipagang ipinapakita ng ating mga pulis sapagkat sa kabila ng ating mahigpit na pagbabantay sa nalalapit na eleksiyon at seguridad ng bawat mamamayan, hindi pa rin ninyo kinakalimutan ang ating mahigpit na kampanya lalo sa ilegal na droga na humantong muli sa pagkadakip ng isang high value individual (HVI) at pagkakakompiska ng milyong halaga ng ilegal na droga. Amin pong sinisiguro na kami ay hindi mapapagod sa aming sinumpaang tungkulin upang labanan ang ilegal na droga, kriminalidad, at terorismo,” pahayag ni BGen. Macaraeg.

About Jaja Garcia

Check Also

TRABAHO Partylist, may malasakit sa mga kababaihang nasa laylayan ng lipunan

TRABAHO Partylist, may malasakit sa mga kababaihang nasa laylayan ng lipunan

MULING pinagtibay ng TRABAHO Partylist ang kanilang pangako na tugunan ang mga sistematikong balakid na …

Para sa mga bomber TRABAHO Partylist, nanawagan ng mas mataas na sahod at maa

Para sa mga bombero
TRABAHO Partylist, nanawagan ng mas mataas na sahod at maayos na kondisyon sa trabaho

NGAYONG paggunita ng Fire Prevention Month sa buwan ng Marso, nanawagan ang TRABAHO Partylist para …

FPJ Panday Bayanihan partylist

Proteksiyon sa Frontliners hangad ng FPJ Panday Bayanihan partylist

ISUSULONG ng FPJ Panday Bayanihan partylist ang Good Samaritan Law upang tiyakin ang proteksiyon para …

TRABAHO Partylist

TRABAHO Partylist pabor sa mandatory 30% local output para sa PH-made vehicles

IDINEKLARA ng TRABAHO Partylist ang kanilang suporta sa iminungkahing magkaroon ng mandatory 30% local output …

Arrest Shabu

Higit P1.2-M shabu nasamsam, 2 armadong tulak tiklo sa Bulacan

SA KAMPANYA laban sa ilegal na droga at baril, naaresto ng pulisya ang dalawang hinihinalang …