HATAW! D'yaryo ng Bayan hatawtabloid.com
BABANDERAHAN ni dating World Champion Carlo Biado ang mga kilalang cue masters sa bansa sa pagsargo ng National 10-Ball Tournament sa Mayo 3 hanggang 7, 2022 sa Robinson’s Mall sa Naga City.
Si Biado, 38. Isa sa paboritong kalahok dahil sa magagandang inilalaro nito sa abroad partikular sa United States na kung saan ay ilang major tournaments ang sinungkit niya.
Ang Rosario, La Union native Biado ay napahanay sa kasikatan ni Bata Reyes sa mundo ng pool world matapos gibain si Jayson Shaw ng UK, 11–7, para magkapeon sa men’s 9-ball event ng 2017 World Games sa Wroclaw, Poland.
Sa parehong taon ay tiibag niya ang kababayang si Roland Garcia, 13–5, para maghari sa 2017 WPA World Nine-ball Championship sa Doha, Qatar.
Matindi ang naging laro ni Biado noong 2021 nang pulubusin niya si Aloysius Yapp ng Singapore, 13–8, para mapasakanya ang U.S. Open Pool Championship upang maging kauna-unahang Filipino matapos ang 27 years na maghari si Double World Champion Efren “Bata” Reyes.
“I hope to do well in this event,” sabi ni Biado na pangungunahan ang bansa sa nalalapit na 31st Southeast Asian Games (SEAG) sa Hanoi, Vietnam ngayon Mayo.
Ang nasabing event na inorganisa ni Raymund Faraon ay may total pot prizes P400,000.
(MARLON BERNARDINO)
