HATAW! D'yaryo ng Bayan hatawtabloid.com
PABONGGAHAN
ni Glen P. Sibonga
HINDI makapaniwala si Kim Chiu at inaming naiyak siya sa natanggap na video greetings para sa kanyang 32nd birthday nitong April 19 mula kay Vice President Leni Robredo, na tumatakbong Pangulo sa darating na halalan sa Mayo.
Ibinahagi ni Kim sa kanyang Instagram ang video message ni VP Leni.
“Kim, happy happy birthday! Magkasunod pala ang birthday natin. But I want to wish you a very happy birthday. I know you’re in a good place now. Follower mo ako sa YouTube channel mo.
“Gusto ko lang kunin ang pagkakataon sabihin sa ‘yo how inspiring your life has been for many people including myself. Sinusubaybayan ko ‘yung journey mo at ikaw ang pinakamagandang example ng pag-defy ng lahat ng odds. At ‘yung kasikatan ay ginagamit para mag-influence ng iba sa kabutihan. So keep up the good work. Keep inspiring others. I wish you all the best. We wish all the luck in the world kasi you deserve it. Happy birthday!”pagbati ni VP Leni kay Kim.
Puno naman ng pasasalamat kay VP si Kim sa caption ng kanyang IG post. “OMG!!!!!! Literally I am crying right now! Nakakaiyak na ang isang tao na alam ko na maraming ginagawa araw-araw, doing everything for the people as a Vice President of our country and a soon to be PRESIDENT. Rally dito rally doon. Debate dito, debate doon. Motorcade, house to house. Personal duties as a mother at marami pang iba. Grabe saludo po ako sa inyo ma’am and watching this video made my heart melt. Salamat po for seeing me, for sending this video, napaka-personal po ng message ninyo. Maraming maraming salamat po. Truly made my birthday complete, didn’t expect this pero maraming salamat po,” ani Kim.
Sa pagpapatuloy ni Kim, sinabi niyang buo ang suporta niya kay VP Leni sa pagkandidato nito bilang Pangulo ng bansa. “Makakaasa po kayo kasama n’yo po ako sa laban na ito. Laban para sa isang gobyernong tapat, angat buhay ang lahat. Matagal na naming hinihiling at inaasam ang isang TAPAT na pamahalaan, na nakaupo para sa mga tao at hindi para sa sarili. I am here behind you alongside with all the Filipinos who are hungry for HONEST AND GOOD GOVERNANCE. I am looking forward for a better, brighter, kulay rosas na bukas para sa buong PILIPINAS with you as our PRESIDENT.”
Nagpaabot din ng maagang pagbati si Kim kay VP Leni para sa parating na kaarawan nito sa April 23.
