HATAW! D'yaryo ng Bayan hatawtabloid.com
RATED R
ni Rommel Gonzales
DALAWANG buwan na lamang at maaabot na ni Thea Tolentino ang kanyang pangarap, ang makapagtapos sa kolehiyo.
Sa mga hindi nakaaalam, mula 2016 hanggang 2020 ay pinagsasabay ni Thea ang showbiz career at ang pag-aaral sa Trinity University of Asia.
Tuloy pa rin sa pag-aaral si Thea kahit abala siya sa mga GMA Afternoon Prime shows na Asawa Ko, Karibal Ko, at Haplos.
At matapos maantala, si Thea o Thea Loise Tolentino ay magmamartsa na sa June 25, 2022. Nagtapos si Thea sa kursong Business Administration major in Public Administration.
Isa pang milestone para sa mahusay na Kapuso actress ngayong taong ito ay ang pagkakasama niya sa upcoming romcom movie na Take Me To Banaue mula sa Carpe Diem Pictures, isang independent movie production na naka-base sa Amerika.
Bukod dito, malapit na ring mapanood si Thea sa star-studded cast ng adventure series na Lolong ng GMA na pagbibidahan ng Kapuso leading man na si Ruru Madrid kasama ang iBilib co-host na si Shaira Diaz at marami pang iba.
